球迷愛護佢好聲價

除了世界盃，一向都好少睇波，又唔會留意球壇消息。

今天回家，見到昨日的am730，方知南華降班。唉，本港足球消息好日都唔見報，一見報就......不過am730都算有心了。

雖說唔睇波，但都知南華為港聯勁旅，與當年的精工、寶路華等齊名(精工件波衫好靚，據說馬勒當拿踢過精工，還是曾與精工對賽)。眼見南華如斯江河日下，心甚不安。

南華之歌
南華，球場皇霸，南華，球壇名家，
全靠經驗，緊湊合作早已做到威震全天下，球迷愛護佢好聲價！

南華，腳法如神又鬼馬，
皆因球技卓絕瀟洒，
所向無敵，起腳到家，
球技係佢最稱霸！

南華，人如龍馬，南華，球員唔差，
雄壯聲望，總會達到聲價十倍歐美傳佳話，球王讚頌最好聲價！