2007年大事回顧

其實今年無甚麼事可以回顧。一個字可以總結：忙，每天日出而作，日入未息，斷六親，奪六感。但有一件事想提一提。話說三、四月左右，弟弟同我講「入382啦，會爆升，我個source話佢公司d人已經入晒」，我話「咩野呢架？」，佢講了一堆「內幕消息」，實情係我唔係好知佢講咩野，後來我無理佢，佢就當然有入啦。結果如何？有興趣者自己睇yahoo財經啦。弟弟太早入貨，等了又等，無耐性賺了五舊水就走了，結果當然是五皮變五舊。

五月中，同事話「我朋友做大魔，話買348」我又問「咩野呢ga」，佢話「唔知，所以我都無入」我又當然無理啦。結果如何？都係自己睇yahoo財經好了。假如我用全副身家跟買，我估我現在我夠錢加入炒樓行列。

八月了，同事又話「348個朋友話，182和1222 呀」我話「個市唔對路……..但係佢上次好X準wow」，佢話「係呀」……於是大家各自入了一點。我無錢，只能入幾千一萬(元)小注玩玩(都叫還有點理智，知道無理由用身家賭大細)，佢有錢，入了幾皮野怡情怡情。結果………同事話「我朋友話sorry wow」，我話「屌」…….好彩我們都是會止蝕的人，一瀉就閃，更好彩係閃得切，更更好彩係後來都能在其他貨中收回失地有餘。

講真，呢鑊又唔係真係蝕好多，但教訓就好深刻，深刻到成為這一年，除了工作外，仍會記得的事情。後來我才知我中了降頭。詳情可看以下片段。



共勉之。
另：祝來年賺多D。