教仔

今天因事乘的士，聽到的士司機對愛兒說這些話

(全程聲線極溫柔)「下？你係旺角？........無錢都去旺角行街。唔係要番學咩？........哦.~~咁你要係旺角on居到晚wow.......我叫左家姐入錢比你gala。.........(到戲肉了)嘩，你咁窮，第時點溝女呀？溝女要洗錢ga，你知唔知。同條女第一日就情投意合，要扑野開房，聖地牙哥要七舊水一晚呀，你知唔知.......唔,一係我陣間出旺角,比埋錢你啦.......好啦,bye bye~~~」

唔知現在d父親是否都會這樣同子女溝通。如果我係老豆，我大概仍是那種會氣得七孔生煙搬出一推大道理教仔的人：「你個死仔，有書唔溫，去行街，你溫晒書咩，你做好功課未呀?做好?你上次果分得B+ ja，你答我點解做唔到個A-。我要求好低gala，從來無要求要A.....你呀,左腦想溝女，右腦想扑野，你無用ga 你。我警告你呀，你唔好將d買書錢拎去同個次果個雌性動物開房，聽日我要見到你帶本新書番屋企，我check過，本野商務賣二百五........緊係唔可以帶番屋企扑啦，你想死呀！！！.......咩野呀！你幾時有聽話讀好d書！你睇你淨係讀到副學士，仲要讀歷史tim，弟時你條死仔就知折墮！」.......所以我一定唔生細路。