無謂雜感

旁白：某一年一班剛剛考完會考0既同學約埋一齊唱K流行曲
唱到一半0既時候其中一位朋友問0左隔離0個位一個問題
喂　你估0下二十年後0既今日我地會變成一個咩人呢
二十年後可能已經變成一個西裝骨骨0既中環人
手帶勞力士　銀包有好多張信用卡
放工0既時候就一齊0向酒吧度
一邊望住個煙灰盅一邊就望住隔離檯0個個女仔
睇0下佢條裙 幾時會走光
二十年後大概終於會買0左個部好想擁有既汽車
但係仲有二十幾期要供二十年喇　
應該轉過好多份工
識做0既野越0黎越多 但係同時發覺學識越0黎越少

0向0個個時間　間唔中可能會去0下gym
但係做0黎做去都係減唔到個肚腩
當然二十年0黎你間唔中都會諗起一段
一路都未能放低0既感情
女朋友越0黎越多　但係愛0既越0黎越少

唱：細路哥　你得到什麼　你失去什麼
你知道　what are u looking for

旁白：大概0向0個個時候可能會有身邊0既親人離開
而0個個陣時你會有好多講唔出口0既遺憾
同時間你會發覺原來人生已經過0左一大半

同年終於結婚喇
用左半生0既積蓄俾左一層樓0既首期
有車位有泳池會所
娛樂越0黎越多但係快樂越0黎越少

兩年後　可能會離婚
回復單身之後0既一個晚上一個人0個向床上面
查住個搖控不停咁轉台　食0左兩粒安眠藥
跟住點起支薄荷煙
然後流0左一滴自親人離世之後0既眼?
突然之間你又諗起　0向二十年前
你係一個咩人　係個一晚
一大班同學約埋出0黎唱K唱到天光
仲記得係個朝返到屋企0既時候
打開門0向檯面見到有一碗屋企人留低0既湯
碗湯已經凍0左喇

唱：細路哥　你得到什麼　你失去什麼
你知道　what are u looking for

聽到這首歌，不知怎的，差點哭了出來。

十年前的聖誕的確在卡拉ok中唱通頂渡過。我仍記得當年我們覺得超索的陳慧琳出道不久(大約一年左右吧)，我們一班麻甩仔就把她的「開始」MV重覆播了幾遍，眼皮雖已下垂，口水卻向下流不停。那一晚本來不打算去唱k的，只是有一位同行仁兄飲醉了，只好找個k房把他安頓........在k房坐下後，他突然打起人來，打了另一朋友數拳就昏迷了.......那一年的聖誕就是充滿這類趣事。

那時我的衣袋中放著一本《1984》，除了製造一個麻甩仔都會有思想的假象(應該說：有思想的麻甩人士街都係，但唔係我。)，亦以為讀多幾本這類書，人好像有點恩想，懶有點所謂學識，將來的生活會豐裕點，即使不能徹底「落實」四仔主義，也得其二、三。最後落得「四大皆空」，只怪自已讀的是「1984」而非「1997」，看不清形勢，缺乏競爭力。

小孩總會幻想長大後如何如何、十年前我亦有想過十年後應會如何，我可沒有想過今天的我是這樣：越來越孤僻、沒有結婚的經濟能力、沒有甚麼事識做、沒有甚麼學識。只能慶幸：沒有很多女朋友，卻有我愛的、沒有勞力士，卻有人見人讚美觀的精工、沒有學識卻有些「人有我有」的學歷讓我做「社會楝樑」。

我擁有的很少嗎？很多嗎？難說......但是，的而且確娛樂越來越多，但快樂越來越少。雖然沒有離婚的困擾，但偶然仍有一種莫明的落寞和恐懼：恐懼失去？恐懼無助？....也難說。其實，我不想有「快樂」或「不快樂」，只想有平靜淡然的心境，一份不以物喜不以物悲的超然。
..........還是，我想得太多了。